ივანე ჯავახიშვილის სახელობის თბილისის სახელმწიფო უნივერსიტეტის პაატა გუგუშვილის სახელობის ეკონომიკის ინსტიტუტის რეცენზირებადი, ბეჭდურ-ელექტრონული, საერთაშორისო სამეცნიერო-ანალიტიკური ჟურნალი
ფინანსური ანგარიშგება და მმართველობის ეფექტიანობის შეფასება (ფასს 18)
DOI: 10.52340/ekonomisti.2025.01.04
რეზიუმე
ფინანსური ანგარიშგების საერთაშორისო სტანდარტების საბჭომ (ფასსს/IASB) 2024 წლის 9 აპრილს გამოსცა ახალი სტანდარტი ფასს 18 „ინფორმაციის წარდგენა და გამჟღავნება ფინანსურ ანგარიშგებაში“ (IFRS 18 Presentation and Disclosure in Financial Statements). ეს არის საბჭოს პროექტის „პირველადი ფინანსური ანგარიშგების“ (“Primary financial statements”) შედეგი, რომელზეც მუშაობა დაიწყო ინვესტორების ფინანსური ანგარიშგების ინფორმაციის შესადარისობით და გამჭვირვალობით უკმაყოფილების საპასუხოდ.
მოთხოვნები ეხება მოგებისა და ზარალის ანგარიშგების სტრუქტურას და განმარტებებს. მოგებისა და ზარალის ანგარიშგებაში ინფორმაცია ხუთ კატეგორიად ჯგუფდება შუალედური ქვეჯამების ასახვით. განმარტებებში გამჟღავნდება მენეჯმენტის მიერ განსაზღვრული საქმიანობის ეფექტიანობის შეფასების მაჩვენებლები (KPI, MPMs) და განმარტება იმისა, თუ რატომ ასახავენ მათ მიერ წარდგენილი მაჩვენებლები მმართველობის ეფექტიანობას, მათი გამოთვლის ტექნიკა, შეჯერება შუალედურ ჯამურ მაჩვენებლებთან და ამ ინფორმაციის სარგებლიანობა.
ფასს 18 გამოყენებული იქნება 2027 წლის 1 იანვრიდან და ჩაანაცვლებს ბასს 1 „ფინანსური ანგარიშგების წარდგენას“. ფასს 18-ის მოთხოვნები დაეხმარება ინფორმაციის მომხმარებლებს ბიზნესის მმართველობის ეფექტიანობისა და პერსპექტივების შეფასებაში.