DOI:10.52340/ekonomisti.2025.04.03

რეზიუმე

საქართველო შეკვეცილი აღწარმოების რეჟიმის მქონე მცირერიცხოვანი ქვეყანაა. დემოგრაფიული პრობლემათა გადაწყვეტა კი მოითხოვს აქტიურ სამეცნიერო კვლევას ახალგაზრდობის, განსაკუთრებით, სტუდენტი ახალგაზრდობის რეპროდუქციული განწყობის, ქცევის, ღირებულებათა  შესახებ.

ჩვენი კვლევის მიზანი იყო გამოგვევლინა ის ცვლილებები რაც ბოლო ათწლეულში მოხდა სტუდენტთა ოჯახურ ფასეულობებსა და ბავშვთაშობისადმი დამოკიდებულებაში.

ნაშრომი ეყრდნობა ავტორის აქტიური მონაწილეობით დემოგრაფიისა და სოციოლოგიის ინსტიტუტის მიერ 2013 და 2023 წელს ჩატარებულ შერჩევით სოციოლოგიურ კვლევებს. არსებულ სტატისტიკურ ინფორმაციასა და მკვლევართა სამეცნიერო ნაშრომებს. 

კვლევით გამოვლინდა, რომ სტუდენტი ახალგაზრდობაში გაუარესებულია დემოგრაფიული ქცევისა და განწყობის მაჩვენებლები, რაც უახლოეს მომავალში ქვეყანას არ მისცემს დემოგრაფიული კრიზისიდან გამოსვლის შესაძლებლობას. სტუდენტები, ძირითადად, ორიენტირებულნი არიან ორშვილიანი ოჯახის შექმნაზე, უფრო ლოიალურნი გახდნენ თანაცხოვრების ინსტიტუტისადმი და ქორწინებისგარეშე შვილის გაჩენისადმი.

კრიტიკული მდგომარეობიდან გამოსვლის ერთ-ერთ შესაძლებლობად მიგვაჩნია მძლავრი აგიტაცია -პროპაგანდისტული მანქანის  ამოქმედება, სამშვილიან ოჯახზე გადასვლა და მესამე შვილის აღზრდის ხარჯების სახელმწიფოს მიერ აღება.

საკვანძო სიტყვები:  ქორწინება, სტუდენტი, საქართველო, ბავშვთაშობა.