ანოტაცია. საბაზრო ეკონომიკის პირობებში, მარკეტინგის მზარდი როლის პარა­ლელურად, გაიზარდა მარკეტინგული კომუნიკაციების როლიც. ნებისმიერი დარ­გის კომპანიები მუდმივად ცდილობენ მიიტანონ მომხმარებლამდე ინფორმაცია მათი საქმიანობის შესახებ, რადგან მომხმარებლებთან ეფექტური კომუნიკაცია ნე­ბის­მიერი კომპანიის წარმატების მთავარი ფაქტორია. კომპანიები, როგორც წესი, შეი­მუშავებენ მარკეტინგული კომუნიკაციის გეგმას და შინაარსს, რომელიც მათი საქმიანობის კონტექსტს შეესაბამება.

მარკეტინგული კომუნიკაცია არის საშუალება კომპანიიდან მომხმარებ­ლე­ბამ­დე ინფორმაციის გადასაცემად, რომელიც გავლენას მოახდენს მომხმარებლებისა და სამიზნე აუდიტორიის გადაწყვეტილებებზე. როგორც წესი, ეფექტური მარკე­ტინგული კომუნიკაცია დადებით გავლენას ახდენს მომხმარებლებზე, ისევე, რო­გორც არასწორი მარკეტინგული კომუნიკაცია შეიძლება აღმოჩნდეს უარყოფითი იმი­ჯი შექმნის წინაპირობა.

კონკურენტული ბაზრის პირობებში მნიშვნელოვანი გამოწვევაა მომხმარებ­ლების მოზიდვა. სწორედ ამიტომ, განსაკუთრებით მნიშვნელოვანია მომხმარებ­ლებისთვის ეფექტური მარკეტინგული სტრატეგიის შემუშავება. მარკეტინგული კომუ­ნი­კაციები განიხილება - კომუნიკაციისა და მარკეტინგის ბუნების გათვალის­წინებით. კომუნიკაცია განიხილება, როგორც პროცესი საკომუნიკაციო შეტყობი­ნე­ბის გაგზავნასა და მიმღებ სუბიექტებს შორის. ხოლო, მარკეტინგი კი აქტივობების ერთობლიობაა, რომელიც უფრო ეფექტურია მომხმარებლებთან ურთიერთობისა და შემოსავლების გაზრდის მიზნით. მარკეტინგული კომუნიკაციები გავლენას ახდენენ მომხმარებელთა ქცევაზე, ამიტომ აუცილებელია მომხმარებელთა ქცევის ბუნების შესწავლა, კერძოდ რა ახდენს გავლენას მომხმარებელთა ქცევაზე და რო­გორ იღებენ გადაწყვეტილებებს მომხმარებლები. მომხმარებლებლების სურვილია გაუმარტივდეთ კომუნიკაცია და იყვნენ კმაყოფილები, რადგან რთულად ეგუებიან ხანგრძლივ და რთულ ინსტრუქციებს, რომელიც მათთვის გაუგებარია. მომხმა­რებლებს სურთ იცხოვრონ პროგნოზირებად გარემოში და ცდილობენ დაიკმა­ყო­ფილონ საჭიროებები.

მარკეტინგული კომუნიკაცია რთული პროცესია, რომელიც გამოიყენება კო­მუ­ნიკაციის მიზნის მისაღწევად. ყველა კომპანიის მიერ ხდება მარკეტინგულ კომუ­ნიკაციის გამოყენება, მხოლოდ მათი გეგმები განსხვავდება ერთმანეთისგან სამიზნე აუდიტორიის გათვალისწინებით.

საკვანძო სიტყვები: მარკეტინგული კომუნიკაცია, ეფექტური მარკეტინგული სტრატეგია, მომხმარებელთა ქცევა, სამიზნე აუდიტორია. 

შესავალი

 საბაზრო ეკონომიკის პირობებში, სხვადასხვა სექტორში კომპანიებს შორის არსებული კონკურენციის გამო, ყოველწლიურად უზარმაზარი ხარჯების გაწევა უწევთ მარკეტინგზე, რათა მოიზიდონ მომხმარებლები. მარკეტინგის მზარდი როლის პარალელურად, გაიზარდა მარკეტინგული კომუნიკაციების როლიც. ნების­მიერი დარგის კომპანიები მუდმივად ცდილობენ მიიტანონ მომხმარებლამდე ინ­ფორმაცია მათი საქმიანობის შესახებ, რადგან მომხმარებლებთან ეფექტური კომუ­ნიკაცია კომპანიის წარმატების მთავარი ფაქტორია. მარკეტინგული კომუნიკაცია არის მარკეტინგის ნაწილი, რომელიც მნიშვნელოვან როლს ასრულებს მომხმა­რებლისთვის კომპანიის შესახებ ინფორმაციის მიწოდებაში. კომპანიები, როგორც წე­სი, ადგენენ მარკეტინგული კომუნიკაციის გეგმას და შინაარსს, რომელიც მათი საქ­მიანობის კონტექსტს შეესაბამება.

აქტუალობა. მარკეტინგული კომუნიკაცია არის საშუალება კომპანიიდან მომ­ხმარებლებამდე ინფორმაციის გადასაცემად, რომელიც გავლენას მოახდენს მომხმა­რებლებისა და სამიზნე აუდიტორიის გადაწყვეტილებებზე. როგორც წესი, ეფექ­ტური მარკეტინგული კომუნიკაცია დადებით გავლენას ახდენს მომხმარებლებზე, ისევე, როგორც არასწორი მარკეტინგული კომუნიკაცია შეიძლება აღმოჩნდეს უარ­ყო­ფითი იმიჯი შექმნის წინაპირობა.

კონკურენტული ბაზრის პირობებში მნიშვნელოვანი გამოწვევაა მომხმარებ­ლების მოზიდვა. სწორედ ამიტომ, განსაკუთრებით მნიშვნელოვანია მომხმარებლე­ბისთვის ეფექტური მარკეტინგული სტრატეგიის შემუშავება.

კვლევის მიზანი. კვლევის მიზანია მარკეტინგულ კომუნიკაციებთან დაკავ­შირებული  თეორიული და პრაქტიკული საკითხების საფუძვლიანი შესწავლის სა­ფუძ­ველზე გამოვლინდეს მარკეტინგული კომუნიკაციის  ეფექტური სტრატეგიები.

კვლევის მეთოდები. კვლევის პროცესში გამოყენებულია, როგორც სისტე­მური და ლოგიკური განზოგადების, ასევე, ანალიზისა და სინთეზის მეთოდები. 

****

მარკეტინგული კომუნიკაციები უნდა განვიხილოთ მისი ორი მდგენელის - კომუნიკაციისა და მარკეტინგის ბუნების გათვალისწინებით. კომუნიკაცია განიხი­ლება, როგორც პროცესი საკომუნიკაციო შეტყობინების გამგზავნს და მიმღებ სუბი­ექ­ტებს შორის. ხოლო, მარკეტინგი არის აქტივობების ერთობლიობა, რომელიც უფ­რო ეფექტურია მომხმარებლებთან ურთიერთობებისა და შემოსავლების ზრდის მიზ­ნით [Kotler, P., & Keller, K. L. 2021]. მარკეტინგი და კომუნიკაციები ერთობ­ლიობაში წარმოადგენენ მარკეტინგულ კომუნიკაციებს. მარკეტინგული კომუნიკა­ციები გავლენას ახდენენ მომხმარებელთა ქცევაზე, ამიტომ აუცილებელია მომხმა­რე­ბელთა ქცევის ბუნების შესწავლა, კერძოდ რა ახდენს გავლენას მომხმარებელთა ქცევაზე და როგორ იღებენ გადაწყვეტილებებს მომხმარებლები. მომხმარებ­ლებ­ლების სურვილია გაუმარტივდეთ კომუნიკაცია და იყვნენ კმაყოფილები, რადგან რთულად ეგუებიან ხანგრძლივ და რთულ ინსტრუქციებს. მომხმარებლებს სურთ იცხოვრონ პროგნოზირებად გარემოში და ცდილობენ დაიკმაყოფი­ლონ საჭი­როე­ბები.

მარკეტინგული კომუნიკაციების ინტეგრაციის ტენდენცია ყველაზე მნიშვ­ნელოვანი მარკეტინგული მიღწევაა. აქვე უნდა აღინიშნოს, რომ ეფექტური მარკე­ტინგული კომუნიკაცია მოიცავს ძირითად ფაქტორებს, კერძოდ:

ü  კომუნიკაციის მიზნებს - შეტყობინების გადაცემის პროცესში ნათელი უნდა იყოს სამიზნე აუდიტორიიდან მოსალოდნელი რეაქცია და პასუხი;

ü  შეტყობინების მომზადებას, რაც გულისხმობს მომხმარებლებთან წინა გამოც­დილების გათვალისწინებას და სამიზნე აუდიტორიის მიერ შეტყობინებების აღქმის თავისებურებებს;

ü  საკომუნიკაციო არხების შერჩევას - შეტყობინების გასავრცელებლად შესაბა­მისი არხები ეფექტურად მიაწოდებენ ინფორმაციას სამიზნე აუდიტორიას;

ü  შეტყობინების ეფექტურობას, რაც გულისხმობს უკუკავშირის მექანიზმების საშუალებით შეფასდეს სამიზნე აუდიტორიის პასუხი.

ზემოაღნიშნული ეფექტურობის ჩამოთვლილი ფაქტორები განსაზღვრავს გა­დაწ­ყვეტილებების ერთობლიობას, რომელიც გათვალისწინებულია ნებისმიერ მარ­კე­ტინგულ საკომუნიკაციო პროგრამაში. მარკეტინგული კომუნიკაციების როლის გაძლიერებას ხელი შეუწყო მუდმივად ცვალებადმა სოციალურმა, ეკონომიკურმა და კონკურენტულმა გარემომ. აღნიშნულმა მნიშვნელოვანმა ცვლილებებმა გამოიწ­ვია მარკეტინგული კომუნიკაციების სფეროს მოქნილი და კრეატიული პოლიტიკის პრაქტიკული განხორციელება.

კომპანიების მიერ ხდება მარკეტინგული კომუნიკაციის გეგმის შემუშავება, რომ­ლის განხორციელებაც საჭიროებს სხვადასხვა ინსტრუმენტების გამოყენებას მომხმარებელთა მოთხოვნილებების დასაკმაყოფილებლად, კერძოდ:

ü  ინფორმაცია და პოპულარიზაცია;

ü  პროცესი და გამოსახულება;

ü  ინტეგრაცია;

ü  გამოცდილება.

მარკეტინგული კომუნიკაციების დახმარებით ხდება კომპანიებისა და სამიზ­ნე აუდიტორიის დაკავშირება. მარკეტინგული კომუნიკაცია რთული პროცესია, რომელიც გამოიყენება კომუნიკაციის მიზნის მისაღწევად.

დასკვნა

 მარკეტინგული კომუნიკაცია მარკეტინგის განუყოფელი ნაწილია, რომელიც მომხმარებლებსა და სამიზნე აუდიტორიას შორის ურთიერთობის ერთადერთი გზაა. ყველა კომპანიის მიერ ხდება მარკეტინგულ კომუნიკაციის გამოყენება, მხო­ლოდ მათი გეგმები განსხვავდება ერთმანეთისგან სამიზნე აუდიტორიის გათვა­ლისწინებით. მიუხედავად იმისა, რომ კომპანიები კონფიდენციალურობის გათვა­ლიწინებით შეზღუდულ ინფორმაციას გვაწვდიან, არსებული ინფორმაციაც საკმა­რისია ეფექტური მარკეტინგული კომუნიკაციის გეგმის შესამუშავებლად. 

გამოყენებული ლიტერატურა

Kotler, P., & Keller, K. L. (2021). Framework for marketing management (6th ed.). Pearson;

Kitchen, P. J., & Burgmann, I. (2010). Integrated marketing communication. Wiley International Encyclopedia of Marketing;

Wijaya, B. S. (2012). The development of hierarchy of effects model in advertising. International Research Journal of Business Studies, 5(1);

Dunn, M. and Davis, S. M. (2003). Building brands from the inside. Marketing Management, 12(3).